Norðurlendska grundlógin skal dagførast – Johan luttekur í arbeiðnum

Formansskapurin í Norðurlandaráðnum hevur á summarfundi í Trondheim gjørt av at seta ein arbeiðsbólk at útgreina tørvin fyri eini dagføring av Helsingfors sáttmálanum – ofta nevnd “grundlógin” fyri norðurlendska samstarvinum.

Johan Dahl luttók á fundinum, og varð valdur í arbeiðsbólkin.

- Eg eri sera glaður fyri at verða valdur sum føroyska umboðið í arbeiðsbólkinum. Føroysk ynski og áhugamál mugu vera væl umboðað í útgreiningini av tørvinum at dagføra sáttmálan. Eg gleði meg til, at arbeiðið fer í gongd.

Sáttmálin var seinast dagførdur í 1996.

Les meira á leinkjuni: https://www.norden.org/da/node/81543