Sambandsflokkurin ynskir veljaran í fokus

Sambandsflokkurin heldur landsfund leygardagin 25. september 2021 í Klaksvík, í nýggju hølunum hjá Garpar. Landsfundurin verður stroymdur frá kl.10.

Bárður á Steig Nielsen, floksformaður, setur landsfundin og fer at greiða frá um politisku støðuna, og leggur soleiðis upp til politiskt orðaskifti millum veljararnar í flokkinum.

Eftir at formaðurin hevur havt orðið, er høvið at seta spurningar og gera viðmerkingar til floksleiðsluna og tingmanningina hjá flokkinum. Spurningar kunnu eisini setast umvegis teldupost: sambandsflokkurin@logting.fo

”Tað verður sera áhugavert at hoyra nýggja formannin í Unga Sambandinum, Petur Frank Jákupsson Holm, greiða frá politikkinum frá teimum ungu í flokkinum.” Sigur Bárður á Steig Nielsen, floksformaður.

Fleiri gestir verða á fundinum, og í ár eru evnini vælferð og vinna á breddanum.

Peer Bentzen, stjóri í tøknifyritøkuni Nemlia fer at greiða frá um KT-loysnir til heilsu- og røktarøkið, og um trygga og virðiliga tilveru í egnum heimi. Somuleiðis fer Magni Mohr, formaður í Fólkaheilsuráðnum og professari á Setrinum, at greiða frá, um týdningin fyri heilsuverkið av einum heilsugóðum lívi.

Eisini verða gestir úr okkara systurflokki í Danmark, Vinstra. Har Stephanie Lose, næstforkvinna ferð á pallin sum gestarøðari. Somuleiðis fer Edmund Joensen, fólkatingsumboð at greiða frá, um uttanríkispolitikk í Ríkisfelagsskapinum.

Eftir Landsfundin verður veitsla í hølunum hjá Garpar, kl. 19. Upplýsingar um tilmelding til veitsluna eru at finna á heimasíðuni hjá Sambandsflokkinum: Tilmelding veitsla og á Facebooksíðu floksins.

Øll sambandsáhugað eru vælkomin á fund og í veitslu.

Um spurningar eru viðvíkjandi landsfundinum ella veitsluni, kann ringjast á tlf. 312492. Møguleiki er eisini at senda teldupost á: samband@olivant.fo

Landsfundur: Skrá

Sambandsflokkurin